Thŭn 2022, Dhar bruă kiă kriê bruă knuă mâo lu bruă ngă tŭ jing yuôm bhăn, boh nik gĭt gai dŭm anôk bruă kiă kriê bruă knuă hlăm kluôm ala, lŏ dơ̆ng mlih mrâo hŏng klei klă mngač, mâo klei tŭ dưn. Ngă jăk bruă bi mlih hdră êlan mă bruă mơ̆ng knŭk kna, mkŏ mjing leh 9 kle bi kƀĭn truăn kơ bruă hlăm hdră bhiăn, mâo bi klă truh 39 klei mtă, klei akâo mkŏ mjing klei bhiăn, lŏ mkŏ wĭt êpul ngă bruă hlăm dŭm kdriêk, gưl sa wưng thŭn 2022-2025, tă hdră mă bruă truh kơ thŭn 2030.

Mâo klei mđing kjăp bruă hŏng tač êngao, lehanăn dưi ba wĭt leh boh tŭ dưn jăk. Mkŏ mjing lu bruă tŭ jing hlăm klei bi kƀĭn ASEAN lehanăn ASEAN+3. Blŭ hrăm ti anôk bi kƀĭn, khua knŭk kna mtă wưng kơ anăp lŏ mđĭ hĭn bi kjăp klei ngă bruă, bi leh klei bhiăn hdră êlan ngă bruă, bi kjăp klei bhiăn kiă kriê mnuih ngă bruă, mbĭt hŏng anăn lŏ dơ̆ng bi leh mkŏ mjing êpul khua kiă kriê hŏng klei khuăt, ngă bruă tŭ jing, bi leh jih jang bruă mđĭ mlih hdră êlan mă bruă truh thŭn 2030./.