Blŭ hrăm ti anôk bi kƀĭn anăn, Khua knŭk kna mñă, klei soh jhat hlăm matuĭ jing leh klei jŭ jhat prŏng hŏng anak mnuih.

Boh mơ̆ng klei anei ngă hmăi amâo mâo jăk kơ klei duh mkra, dhar kreh, yang ƀuôn, lehanăn bruă răng mgang lăn čar, ngă toh hroh klei suaih pral kơ lu mnuih, klei hdĭp anak mnuih kơ sa lăn čar lehanăn djuê ana. Bi ala kơ knŭk kna Khua knŭk kna hơêč hmưi kơ dŭm boh tŭ dưn phung kahan ksiêm djăp hgưl mâo leh hlăm bruă bi kdơ̆ng hŏng matuĭ. Kñăm mđĭ hĭn bruă kdơ̆ng hŏng matuĭ, snăn jih jang bruă anei brei dôk ti gŭ klei Đảng kiă kriê hrăm mbĭt hŏng dŭm gưl bruă sang čư̆ êa đru kơ kahan ksiêm jing pô knơ̆ng./.