Hruê anei (8/10), tŭ ư asăp jak iêu mơ̆ng Khua knŭk kna Lào Sonexay Siphandone – Khua kiă kriê ASEAN 2024, Khua knŭk kna Phạm Minh Chính djă akŏ Êpul bi ala gưl dlông Việt Nam nao ti Klei bi kƀĭn gưl dlông ASEAN tal 44, 45 lehanăn dŭm Klei bi kƀĭn djŏ tuôm ti Vintiane, Lào, mơ̆ng hruê 8 - 11/10. Anei jing bruă yuôm bhăn mơ̆ng ASEAN hlăm thŭn, hŏng klei hgŭm mơ̆ng phung khua kiă kriê dŭm ala čar ASEAN, Timor-Leste lehanăn 10 ƀĭng hgŭm mơ̆ng ASEAN mbĭt hŏng lu phung jak iêu jing pô bi ala dŭm êpul êya bruă hlăm krĭng lehanăn tar rŏng lăn.

Hŏng akŏ “ASEAN: Mtrŭt mđĭ hdră bi hgŭm lehanăn Gĭr ktưn kpưn đĭ”, phung khua srăng bi trông kơ dŭm bruă phŭn mơ̆ng ASEAN lehanăn krĭng wăl, mtrŭt mđĭ hdră bi blŭ hră, hgŭm bruă, bi mguôp kjăp, thâo ba yua klei găl lehanăn hgao klei dleh dlan. Hŏng klei đru mguôp lehanăn gĭr jih ai tiê kơ boh tŭ dưn mbĭt, êpul Việt Nam mâo Khua knŭk kna Phạm Minh Chính djă akŏ nao ti Klei bi kƀĭn tal anei, ba lu klei hưn mthâo yuôm bhăn kơ ASEAN lehanăn klei êdei anăp mơ̆ng ASEAN.