Blŭ ti knăm anei, Khua knŭk kna mñă, êpul kahan ksiêm hđăp jing mnuih găn leh thŭn mlan kdơ̆ng mblah, mjuăt bi hriăm lehanăn đĭ hriê kơ prŏng mơ̆ng hdră kdơ̆ng mblah, răng mgang klei êđăp ênang ala čar, mâo lu klei đru mguôp prŏng kơ hdră mtlaih êngiê djuê ana, mkŏ mkra lehanăn răng mgang ala čar; lehanăn hruê anei jing sa êpul yuôm êdi mơ̆ng yang ƀuôn.

Khua knŭk kna mñă, Đảng, Knŭk kna tŭ yap lehanăn bi mni dŭm klei đru mguôp mơ̆ng êpul anei hlăm hdră mkŏ mkra ala čar; mâo lu hdră mtrŭn ieue mtrŭt ai ktang, klei đru mơ̆ng êpul kahan ksiêm hđăp hlăm hdră mkŏ mkra ala čar, boh nik klei bhiăn jăk găl hŏng êpul kahan ksiêm truh leh thŭn dôk mdei bruă; gĭt gai leh bruă Đảng kahan ksiêm gưl dlông, Phŭn bruă kahan ksiêm mjing klei găl mkŏ mjing, bi leh bruă mkŏ mjing Êpul hgŭm, mkŏ mjing Anôk bruă bi mjĕ, hâo hưn mơ̆ng Anôk bruă kahan ksiêm truh thŭn mdei bruă mơ̆ng gưl dlông truh kơ alŭ wăl./.