Ti anôk bi tuôm, Khua knŭk kna Phạm Minh Chính bi mni kơ khua bruă kƀĭn ala nah gŭ Malaysia. Dua čô khua kiă kriê bi tŭ ư dŭm hdră bi hgŭm dua ala čar čhuang nao hlăm knhuang mrâo.

Khua knŭk kna čang hmăng kơ dua ala čar lŏ bi kjăp klei đăo knang bruă kđi čar hŏng klei bi mtuôm jêñ jêñ khua gĭt gai prŏng, lehanăn dŭm gưl hlăm djăp mta bruă, ktưn mđĭ ênoh bi mnia mblei dua nah truh 18 êklai USD tui tiŏ hdră êlan mtăp mđơr hŏng jih jang mnơ̆ng mâo klei găl mơ̆ng dua ala čar, čang hmăng kơ Malaysia đru  Việt Nam mđĭ kyar bruă duh mkra Halal lehanăn pral mâo klei kuôl kă hgŭm hlăm bruă anei. Dua nah bi tŭ ư hlăm klei bi mguôp kjăp hŏng dŭm ala čar ASEAN mkăn mkŏ mjing sa ASEAN bi mguôp, mđĭ hĭn bruă klam mghaih msir dŭm bruă hlăm alŭ wăl, mđĭ klei thâo bi tŭ ư dŭm bruă mbĭt hlăm ASEAN boh nik kơ bruă ksĭ Ngŏ./.