Khua knŭk kna Phạm Minh Chính hơ̆k mơak yăl dliê klei đĭ kyar Việt Nam leh mâo, boh nik hlăm bruă duh mkra. Leh klei bi trông, dua khua kiă kriê dlăng klei kuôl kă hgŭm duh mkra kluôm. Klei kuôl kă mnia mblei êngiê tal êlâo mơ̆ng Việt Nam hŏng dŭm ala čar Araap.

Anei jing klei kuôl kă mnia mblei êngiê mâo klei trông čhai pral êdi mơ̆ng Việt Nam, bi êdah klei mđing prŏng mơ̆ng phung khua kiă kriê, dŭm phŭn dhar bruă mơ̆ng dua ala čar, kñăm mđĭ hĭn klei bi hgŭm duh mkra mnia mblei, duh bi lie emơ̆ng dua ala čar, pŏk sa êlan prŏng mrâo jing yuôm bhăn êdi hlăm hƀuê ênuk Việt Nam bi hgŭm êlam hŏng krĭng msăt boh lăn. Hŏng dŭm bruă bi hgŭm kluôm dhuôm, klei kuôl kă ƀuăn rơ̆ng ba wĭt klei tŭ dưn bi kna kơ jih dua nah./.