
Blŭ hrăm hlăm klei kƀĭn, Khua knŭk kna Phạm Minh Chính mñă ktang, bruă mkŏ mjing klei rang mdah boh tŭ dưn bruă duh mkra ala ƀuôn ƀri wưng bi hdơr 80 thŭn hruê Mkŏ mjing lăn čar jing bruă prŏng, dleh, mkŏ mjing klei lar bra boh tŭ dưn hlăm 80 thŭn êgao mơ̆ng lăn čar truh hŏng mah jiăng tar rŏng lăn, mnuih ƀuôn sang, mđĭ hĭn klei ktưn hưn djuê ana mŭt hlăm ênuk mrâo – ênuk kpưn đĭ mơ̆ng djuê ana đĭ kyar mrâo mrang, mdrŏng ktang, mnuih ƀuôn sang trei mđao, yâo mơak.

Hlăm klei hưn mdah, Khua knŭk kna bi myuôm bruă mprăp jăk, ƀiădah čiăng gĭr hĭn hŏng ai tiê ngă bruă ktang phĭt. Khua knŭk kna mñă brei bi êdah hdră ngă 2 bruă klam hdră êlan mkŏ mjing leh anăn răng mgang lăn čar, mkŏ mjing boh kdrŭt, klei lŏ čuê čiăng kơ lăn čar mŭt hlăm ênuk mrâo, mnuih ƀuôn sang dưi dưn boh tŭ anei hŏng klei khăp kơ lăn čar.
Viết bình luận