Leh knăm drông, Khua knŭk kna Phạm Minh Chính bi trông leh hŏng Khua knŭk kna China Lý Cường. Khua knŭk kna Phạm Minh Chính đăo knang gưl Khua knŭk kna China hriê čhưn srăng tŭ jing jăk siam; ba klei bi hgŭm dua nah ƀrư̆ tŭ dưn, klă sĭt, êlam leh anăn kluôm ênŭm; đru hlăm klei êđăp ênang, hơĭt kjăp leh anăn bi hgŭm, mđĭ kyar ti krĭng wăl leh anăn dlông rŏng lăn.

Kơ klei bi hgŭm hlăm wưng kơ anăp, dua Khua knŭk kna tŭ ư pŏk ngă tŭ dưn klei thâo săng mbĭt mơ̆ng Khua gĭt gai gưl dlông mơ̆ng dua Đảng, dua ala čar, mđĭ klei đăo knang kđi čar, mđĭ lar klei bi tuôm gưl dlông leh anăn dŭm gưl; mđĭ ktang klei bhiăn bi hgŭm, mđĭ klei bi hgŭm klă sĭt hlăm dŭm bruă phŭn, mđĭ klei mjĕ êrô mnuih ƀuôn sang, mđĭ tur knơ̆ng ala ƀuôn kjăp hlăm dŭm bruă phŭn, mđĭ tur knơ̆ng ala ƀuôn kjăp kơ klei mđĭ kyar mơ̆ng klei bi hgŭm dua ala čar; lŏ dơ̆ng bi hgŭm kjăp leh anăn bi nao ai hdơ̆ng pô hlăm klei bhiăn, mkŏ mjing klei bi kƀĭn lu tĭng; bi hgŭm kriê dlăng jăk knông lăn.