
Hlăm hdră Klei bi kƀĭn grăp thŭn phung ba anăp tal 16 mơ̆ng Klei bi kƀĭn trông bruă duh mkra tar rŏng lăn WEF mkŏ mjing ti Thiên Tân lehanăn mă bruă ti China, tlam hruê 24/6, ti Thiên Tân, China, Khua knŭk kna Phạm Minh Chính bi trông hŏng Khua knŭk kna China Lý Cường. Ti knăm anei, Khua knŭk kna mñă, Việt Nam dlăng klei mđĭ kyar hdră bi mjĕ hŏng China jing klei mđing tal êlâo hlăm hdră mtrŭn hŏng tač êngao; đăo knang China srăng lŏ dơ̆ng mđĭ kyar, mđĭ mlar bruă klam yuôm bhăn hlăm hdră mđĭ kyar, răng mgang klei êđăp ênang lehanăn kreh dhar tar rŏng kăn.

Dua khua knŭk kna bi trông leh klei blŭ kơ boh klei êa ksĭ, tŭ ư ksiêm dlăng lehanăn msir mghaih jăk hĭn dŭm klei amâo thâo bi djŏ, rơ̆ng kjăp klei êđăp ênang. Khua knŭk kna Phạm Minh Chính mtă kơ dua tĭng hluê ngă kjăp klei thâo săng gưl dlông, “Klei kuôl kă kơ dŭm klei bhiăn msir mghaih boh klei ti êa ksĭ Việt Nam – China”, mbĭt hŏng ASEAN gĭr dưi mâo hnưm COC tŭ dưn, djŏ guôp hŏng hdră bhiăn tar rŏng lăn lehanăn UNCLOS 1982 hluê klei bi tŭ ư mơ̆ng dŭm tĭng./.
Viết bình luận