Dua khua knŭk kna mơak hlăk ƀuh klei bi mjĕ hgŭm bruă dua nah dôk đĭ kyar pral lehanăn kluôm hlăm djăp mta ra bruă, mñă klei gĭr ba klei bi mjĕ dua ala čar truh ti hnơ̆ng mrâo. Dua tĭng tŭ ư mđĭ hdră bi hgŭm bruă duh mkra jing phŭn hlăm klei bi mjĕ dua ala čar; bi hgŭm hluê ngă tŭ dưn Klei kuôl kă bi hgŭm hdră duh mkra lehanăn Klei bi mjĕ ƀĭng hgŭm bruă duh mkra mtrah – duh mkra mrô Việt Nam - Singapore, boh nik bi hgŭm hlăm bruă hâo hưn êlan kbưi; mđĭ kyar kdrăp VSIP 2.0 hơĭt kjăp, kreh dhar, mđĭ kyar bruă pui kmlă doh.

Dua khua knŭk kna mñă brei mđĭ hĭn hdră bi hgŭm hlăm bruă lĭng kahan – răng mgang klei êđăp ênang, bruă mjuăt bi hriăm, dhar kreh lehanăn mjĕ mjuk mnuih ƀuôn sang. Khua knŭk kna Phạm Minh Chính mñă srăng mjing djăp klei găl kơ anôk bruă duh mkra Singapore pŏk mlar hdră duh bi liê hlăm Việt Nam.