Ti anôk bi trông, dua čô khua knŭk kna lŏ dơ̆ng hyuă kjăp hĭn klei bi mjĕ êrô, klei bi mtuôm gưl dlông, lehanăn dŭm gưl mơ̆ng Đảng, knŭk kna, lăn čar lehanăn anôk bruă kƀĭn ala, srăng dưi mkŏ mjing nanao bi djŏ hŏng klei hgŭm dua nah.

Boh nik mđing hĭn êdi ară anei kơ klei mđĭ kyar bruă duh mkra mtah- klei duh mkra mrô, mjing djăp mta klei găl klei bi hgŭm duh mkra Việt Nam - Singapore jing klei bi hmô jăk kơ êdei anăp hlăm ASEAN; bi myuôm bruă dua nah bi leh hdră êlan kuôl kă klei bi hgŭm duh mkra Việt Nam - Singapore. Khua knŭk kna Phạm Minh Chính čang hmăng kơ Singapore mjing djăp klei găl čiăng kơ mnơ̆ng Việt Nam mâo čhĭ jăk hŏng Singapore đru hgŭm hŏng Việt Nam; mđĭ kyar bruă tă kčoh, bruă mkra mjing kyâo, bruă pơ̆ng mkra hô̆ pui, mđĭ kyar bruă tuh tia, bruă êa pui./.