2 tĭng bi mni kơ dŭm boh tŭ dưi mâo mơ̆ng klei kuôl kă mnia mblei êngiê plah wah Việt Nam – EU leh 2 thŭn hluê ngă, bi tŭ ư mtrŭt mđĭ klei bi mguôp hlăm bruă duh bi liê, mnia mblei plah wah 2 ala čar leh anăn hrăm mbĭt bi mdrơ̆ng hŏng dŭm klei lông dlăng mbĭt msĕ si wăl hdĭp mda, bi kdơ̆ng hŏng klei mlih yan adiê, boh nik jing ti krĭng Dap mnai krông Cửu Long.

Ƀri wưng anei, Khua knŭk kna mñă kơ Nghị viện Liên ƀang hnưm bi klă klei kuôl kă duh bi liê Việt Nam – EU kñăm mkŏ mjing wăl duh bi liê mâo klei găl kơ knơ̆ng bruă 2 ala čar, sa ai hŏng Dhar bruă Ơrôp hnưm lăm lui hră kñĭ hŏng kan hdang mơ̆ng Việt Nam. Khua knŭk kna Phạm Minh Chính mñă kơ khua gĭt gai bruă kƀĭn ala nah dlông Belgium mkŏ mjing klei găl kơ êpul êya mnuih Việt Nam dôk hdĭp mda, hluê hriăm leh anăn mă bruă ti Belgium, bi lar bruă klam jing kdrông mkŏ 2 ala čar.