Hlăm klei bi tuôm, Khua knŭk kna Phạm Minh Chính bi mklă, Đảng, Knŭk kna, Bruă kƀĭn ala leh anăn mnuih ƀuôn sang Việt Nam amâo wơr ôh klei đru jih ai tiê mơ̆ng Cuba hŏng klei bi blah mtlaih êngiê djuê ana Việt Nam, dlăng myuôm, djă pioh leh anăn jih ai tiê bi êlam hĭn klei bi hgŭm djuê ana leh anăn bi hgŭm kluôm Việt Nam - Cuba, siă suôr hŏng bruă krŭ kdơ̆ng phŭn mơ̆ng yang ƀuôn Cuba.

Khua knŭk kna bi mklă klei mĭn sa anăn mơ̆ng Việt Nam amâo nao ai leh anăn akâo lăm lui klei kăm mnia blei hjăn păn hŏng Cuba. Dua tĭng bi mklă klei đru hŏng klei bi hgŭm mkŏ mjing jăok bruă bi hdơr 50 thŭn gưl nao čhưn mơ̆ng Khua gĭt gai Fidel ti krĭng mtlaih êngiê kwar Dhŭng (mlan 9/1973 - 9/2023), boh nik jing gưl hriê čhưn ti Việt Nam mơ̆ng Khua gĭt gai bruă kƀĭn ala Cuba Esteban Lazo Hernández.