Ti anôk bi tuôm, Khua knŭk kna Phạm Minh Chính bi êdah klei m’ak kơ dŭm klei đĭ kyar yuôm bhăn hlăm klei bi mjĕ dua nah wưng êgao, boh nik jing bruă dua ala čar mkŏ mjing Klei bi mjĕ ƀĭng hgŭm phŭn kluôm dhuôm kyua klei êđăp ênang, bi hgŭm lehanăn đĭ kyar h’ĭt kjăp bri gưl hiu čhưn ti Việt Nam wưng êgao mơ̆ng Khua mil čhil Biden. Khua knŭk kna mtă hlăm wưng ti anăp, dua tĭng brei mđĭ hdră bi hgŭm, hnưm ba klei bi mjĕ dua ala čar đĭ kyar êlam hĭn, klă sĭt hĭn, hlăm anăn mđing bi hgŭm hlăm bruă duh mkra – mnia mblei, duh bi liê, bruă kdrăp mrâo, mdrơ̆ng hŏng klei bi mlih yan adiê… Khua knŭk kna ăt čang hmăng Anôk bruă kƀĭn ala Mi sa ai hŏng bruă Mi hnưm bi mklă klei bhiăn bruă duh mkra kơ wăl anôk mnia mblei Việt Nam.

Ăt hlăm hruê, Khua knŭk kna Phạm Minh Chính bi tuôm leh hŏng Khua phŭn bruă Mnia mblei Mi; bi tuôm hŏng phung khua kiă kriê Dhar bruă hŏng tač êngao Anôk bruă kƀĭn ala Mi lehanăn mă bruă hŏng CEO mơ̆ng dŭm anôk bruă duh mkra, êpul group mrô sa mơ̆ng Mi hlăm bruă bán dẫn./.