Dua čô khua gĭt gai bi êdah hlăm wưng kơ anăp, lŏ gĭr ba klei mjĕ giăm kluôm dhuôm Việt Nam – Dhŭng Korea đĭ kyar ktang hĭn, kluôm dhuôm hĭn. Dua tĭng bi tŭ ư mđĭ hĭn klei bi trông êpul, boh nik jing êpul gưl dlông, mtrŭt mđĭ klei bi mguôp bruă lĭng kahan, răng mgang klei êđăp ênang, mtrŭt mđĭ klei bi mguôp bruă duh mkra, mnia mblei, lăm lui dŭm klei kpăk, mkŏ mjing klei găl kơ mnơ̆ng dhơ̆ng dưi ba čhĭ hlăm anôk mnia mblei hdơ̆ng pô, ăt msĕ mơh bi mguôp hlăm dŭm mta bruă mrâo, mâo lu klei găl msĕ si mlei mrâo hŏng klei mbruă, ksiêm duah leh anăn mđĭ kyar.

Khua knŭk kna Phạm Minh Chính mnă klă, Việt Nam srăng lŏ dơ̆ng mkŏ mjing klei găl kơ phung duh bi liê mơ̆ng Dhŭng Korea mă bruă wưng sui ti Việt Nam, čiăng ngă dŭm hdră prŏng, mâo knhuah msĕ si êlan êdeh treng, êlan dơ̆ng pral.