Dua čô khua gĭt gai mñă klă hŏng dŭm klei yuôm bhăn mơ̆ng klei mjĕ giăm mâo khua gĭt gai Hồ Chí Minh leh ăñ Khua mil čhil Soekarno mdưm tur knơ̆ng, dua lăn čar srăng mđĭ hĭn klei bi trông gưl dlông leh anăn dŭm gưl hlăm wưng kơ anăp, jing gru kruăk kơ klei bi hdơr 10 thŭn klei mjĕ giăm ƀĭng hgŭm hdră êlan hlăm thŭn 2023 leh anăn mđing truh kơ dŭm hdră prŏng 70 thŭn klei mjĕ giăm leh anăn 80 thŭn hruê mkŏ mjing lăn čar 2 lăn čar ti thŭn 2025.

Tŭ ư mđĭ lar dŭm boh tŭ dưn mơ̆ng klei bi mguôp dua tĭng leh anăn hluê ngă dŭm klei kuôl kă leh bi klă, hlăm anăn mâo bruă ba hră bi klă kơ klei bi mguôp hnưm tŭ dưn leh anăn hluê ngă hlăm boh sĭt, mđĭng truh kơ hdră êlan kluôm dhuôm hlăm wưng kơ anăp, gĭr ba hnơ̆ng mnia mblei dua tĭng mâo 15 êklai USD ti thŭn 2028