Dua čô khua gĭt gai bi myuôm bruă dua nah pral ngă klei bi trông lehanăn bi tuôm gưl dlông, lehanăn phung khua prŏng leh lŏ wĭt pŏk ƀăng kñăm lŏ mđĭ hĭn klei bi đăo knang, ruh mgaih klei dleh dlan pŏk êlan lŏ kơrŭ wĭt klei duh mkra, ñŭ kma êlam hĭn.

Bi tŭ ư hŏng jih jang klei bi hgŭm Việt Nam - Singapore hlăm djăp mta bruă, boh nik lŏ hyuă kjăp klei hgŭm dŭm mta bruă dua nah yap jing kmeh gơ̆ng boh nik hlăm bruă kđi čar, klei duh mkra, bruă răng mgang klei êđăp ênang, bruă sang hră mơar, bruă mjuăt bi hriăm mnuih ngă bruă hŏng hnơ̆ng thâo lu, boh nik kơ phung knuă druh knơ̆ng kơ jih jang bruă kiă kriê, mkŏ mjing klei bi hgŭm phung ƀuôn sang, mtrŭt mđĭ bruă hiu čhưn ênguê, dưn yua dŭm klei mĭn mrâo, lehanăn mkŏ bruă êlan êa ksĭ, bi mguôp kjăp hĭn hlăm bruă duh mkra mrô. Dua nah lŏ mâo klei ƀuăn rŏng hyua kjăp hĭn klei bi hgŭm lu tĭng msĕsi ASEAN, APEC, Êpul hgŭm lu ala čar, boh nik klei hgŭm rŭ mdơ̆ng yang ƀuôn ASEAN đĭ kyar hơĭt kjăp, mâo klei thâo bi mguôp, kjăp ktang./.