Mmăt mbruê (23/10, hluê mmông alŭ wăl), hlăm hdră nao ti Klei bi kƀĭn gưl dlông phung Khua kiă kriê BRICS pŏk mlar ti Kaza, Russia, Khua knŭk kna Phạm Minh Chính bi tuôm leh hŏng Khua mil čhil Turki Recep Tayyip Erdogan. Khua knŭk kna dlăng myuôm klei bi mjĕ lehanăn hgŭm bruă jăk siam plah wah Việt Nam – Turki, čang hmăng anôk bruă duh mkra Turki mđing duh bi liê lu hĭn hlăm Việt Nam.

Dua khua kiă kriê tŭ ư mđĭ hdră bi trông čhai plah wah phung khua gưl dlông dua ala čar, mđĭ kơhưm lehanăn bi êlam hĭn klei bi mjĕ dua ala čar, mtrŭt mđĭ klei bi hgŭm hlăm hdră duh mkra, mnia mblei djŏ hŏng klei găl mâo, gĭr dưi mâo mta kñăm ênoh prăk bi mnia mblei dua nah 4 êklai USD, mbĭt anăn ksiêm dlăng dŭm hdră bi hgŭm mrâo kñăm ba wĭt boh tŭ dưn hlăm hdră mnia mblei lehanăn duh bi liê. Êlâo anăn, ti ƀuôn prŏng Kaza, Russia, Khua knŭk kna Phạm Minh Chính bi tuôm leh hŏng êpul êya mnuih Việt Nam ti Russia./.