Ti anôk bi tuôm, Khua knŭk kna Phạm Minh Chính lehanăn K’iăng khua mil čhil Mi Harris bi êdah klei m’ak âñp knhuang đĭ kyar mŏng Klei bi mjĕ ƀĭng hgŭm kluôm Việt Nam – Mi, anăp lŏ mđĭ hĭn klei bi mjĕ hlăm wưng ti anăp, boh nik hlăm bruă duh mkra – mnia mblei – duh bi liê, bruă kreh knhâo – kdrăp mrâo, mlih mrâo, bruă mjuăt bi hriăm, mjĕ mjuk mnuih ƀuôn sang lehanăn msir mghaih boh jhat mơ̆ng klei bi blah.

Khua knŭk kna bi mni klei đru mguôp mơ̆ng aduôn Kamala Harris kơ klei bi mjĕ dua nah, boh nik hdră đru kơ vaccine gang mkhư̆ Covid 19 kơ Việt Nam lehanăn čang hmăng hlăm wưng ti anăp srăng hluê ngă kjăp dŭm klei kuôl kă kñăm mđĭ hĭn klei bi mjĕ, ba wĭt klei tŭ dưn klă sĭt. Khua knŭk kna brei thâo, Việt Nam dôk bi hgŭm hŏng Mi mprăp drông Khua mil čhil Joe Biden kơ gưl hriê čhưn ti anăp./.