Blŭ hrăm ti anôk bi kƀĭn, Khua knŭk kna Phạm Minh Chính hưn mthâo leh hŏng mnuih ƀuôn sang Cần Thơ kơ bruă duh mkra ala ƀuôn hlăm 9 mlan êgao, dŭm bruă hŏng ala tač êngao mơ̆ng lăn car.

Khua knŭk kna wĭt lač jih jang klei êmuh mâo mnuih ƀuôn sang bi êdah jing kơ bruă hlue ngă hdră êlan pla mjing 1 êklăk ha mdiê mâo hnơ̆ng jăk, ba klei jhat ƀiă, mkra mđĭ tač êdeh phiơr Cần Thơ, Cà Mau, Phú Quốc, mkra kdrŭn Cái Cui, mjuăt bi hriăm mnuih mă bruă hŏng hnơ̆ng kjăp ti krĭng dap mnai krông Cưủ Long. Hŏng klei jing pô bi ala bruă kƀĭn ala ƀuôn prŏng, Khua knŭk kna mđing hmư̆ jih jang klei blŭ, klei čang hmăng, mơ̆ng mnuih ƀuôn sang, lehanăn klei blŭ mơ̆ng phung khua kiă kriê bruă Đảng ƀuôn prŏng Cần Thơ; mâo nanao klei mĭn čiăng jih ai tiê pô đru mđĭ kyar ƀuôn prŏng Cần Thơ lehanăn kluôm ala msĕ mơh./.