Khua knŭk kna Phạm Minh Chính bi tuôm hŏng phung knuă druh, phung mă bruă hlăm Anôk bruă bi ala Việt Nam leh anăn êpul êya mnuih Việt Nam ti UAE
Thứ hai, 10:48, 28/10/2024
VOV Tây Nguyên
VOV Tây Nguyên
VOV4.Êđê- Tlam mbruê 27/10 (hlue si mmông alŭ wăl), ti ƀuôn prŏng phŭn Abu Dhabi, hlăm gưl nao čhưn klă sĭt ti Dŭm ala mtao Arap hluh lir (UAE), Khua knŭk kna Phạm Minh Chính hŏng mô̆ ñu Lê Thị Bích Trân leh anăn êpul bi ala gưl dlông Việt Nam bi tuôm hŏng phung knuă druh, phung mă bruă Anôk bruă bi ala Việt Nam leh anăn êpul êya mnuih Việt Nam ti UAE.
Blŭ hrăm tinei, Khua knŭk kna Phạm Minh Chính bi mklă klei mĭn mơ̆ng Đảng, Knŭk kna jing dlăng êpul êya mnuih Việt Nam ti ala tač êngao leh anăn ti UAE jing sa kdrêč amâo dưi kƀah ôh mơ̆ng djuê ana Việt Nam.
Đảng, Knŭk kna mđing nanao, mjing djăp klei găl, kriê dlăng, đru kơ mnuih ƀuôn sang hơĭt klei hdĭp mda, ñŭ kma jăk hlăm ala ƀuôn ti ala čar dôk hdĭp mda, mbĭt anăn mtrŭt mjhar mjing klei găl kơ mnuih ƀuôn sang mđing kơ ƀuôn sang, đru mguôp jăk kơ klei bruă mkŏ mjing leh anăn răng mgang čar kwar.
Viết bình luận