Khua knŭk kna Phạm Minh Chính bi tuôm hŏng Pô bi ala Lao hriê kkuh bi ktlah
Thứ sáu, 09:57, 15/09/2023
VOV TAYNGUYEN
VOV TAYNGUYEN
VOV4.Êđê- Tlam 14/9, ti Anôk bruă Knŭk kna, Khua knŭk kna Phạm Minh Chính bi tuôm leh hŏng Pô bi ala Lao ti Việt Nam Sengphet Houngboungnuang hriê kkuh bi ktlah ƀri mjưh ruê̆ wưng păn bruă ti Việt Nam.
Ti knăm anei, Khua knŭk kna Phạm Minh Chính h’êč hmưi kơ Pô bi ala Lao bi leh jih bruă klam mâo kčah jao ti Việt Nam lehanăn mâo Đảng, Knŭk kna Việt Nam mđup brei Medai Ngă bruă mrô sa kyua mâo dŭm klei đru mguôp hlăm bruă bi kjăp lehanăn ksŭl mbĭ klei bi mjĕ jăk siam, hgŭm mguôp kluôm dhuôm Việt Nam – Lao.
Pô bi ala Lao mñă, hŏng klei khăp sŭk suôr hŏng lăn čar lehanăn anak mnuih Việt Nam lehanăn kyua klei tŭ dưn mbĭt mơ̆ng dua ala čar, dua djuê ana, ñu srăng lŏ ksŭl mbŭ kơ klei bi mjĕ yuôm bhăn plah wah Việt Nam lehanăn Lao h’ĭt kjăp lehanăn jăk siam nanao./.
Viết bình luận