Lu klei blŭ hlăm klei kƀĭn lač, hnơ̆ng đĭ kyar GDP 8,02% thŭn 2022 jing klei êdah êdi. GDP kah knar grăp čô thŭn 2022 knar hŏng 4.110 USD, đĭ 393 USD mkă hŏng thŭn 2021. Blŭ bi klă hlăm klei kƀĭn, Khua knŭk kna Phạm Minh Chính mñă klă, dŭm boh tŭ dưn dưi mâo hlăm thŭn 2022 lu hĭn mkă hŏng thŭn 2021 jing klei bi klă kơ ai ktang mơ̆ng klei bi mguôp djuê ana, klei sa ai, hrăm mbĭt, klei mĭn gĭr ktưn mơ̆ng bruă kđi čar leh anăn mnuih ƀuôn sang ti gŭ klei gĭt gai mơ̆ng Đảng.

Čiăng hluê ngă tŭ jing mta kñăm, bruă klam mđĭ kyar bruă duh mkra ala ƀuôn thŭn 2023 hluê si hdră mtrŭn mơ̆ng bruă kƀĭn ala, hlăm klei kƀĭn anei knŭk kna ma mdah leh 6 klei mĭn, mta kñăm gĭt gai leh anăn 11 êpul bruă klam, hdră êlan mđĭ kyar bruă duh mkra ala ƀuôn thŭn 2022.