Khua knŭk kna Lý Hiển Long bi mni kơ Khua knŭk kna Phạm Minh Chính klă klơ̆ng nao čuă Singapore, mñă klă gưl nao čuă anei đru mguôp yuôm bhăn kơ klei mjĕ giăm bi mguôp hdră êlan plah wah 2 ala čar. 2 čô Khua knŭk kna yap yuôm bhăn dŭm klei đĭ kyar jăk hlăm klei mjĕ giăm 2 ala čar hlăm 2 tĭng leh anăn lu tĭng.

Bi kơ mta kñăm hlăm wưng kơ anăp, 2 čô Khua knŭk kna bi tŭ ư amâo mâo mdei mtrŭt mđĭ klei bi mguôp bruă duh mkra, hluê ngă tŭ dưn dŭm klei kuôl kă bi mguôp, mkŏ mjing klei găl bi mguôp hlăm dŭm mta bruă mrâo leh anăn mâo klei găl msĕ si bruă duh mkra mrô, bruă duh mkra mtah leh anăn dar, mlih mrâo hŏng klei mbruă, pui kmlă doh, bi mdrơ̆ng hŏng klei mlih yan adiê… 2 tĭng ăt bi tŭ ư mtrŭt mđĭ klei bi mguôp bruă lĭng kahan, bruă hiu čhưn ênguê, mjĕ êrô mnuih ƀuôn sang, boh nik jing hđeh êdam êra 2 ala čar.