Hlăm mmông blŭ hrăm, Khua mil čhil Brazil đăo knang gưl nao čuă srăng đru mtrŭt mđĭ klei mjĕ giăm knhuah gru leh anăn bi mguôp jăk siam pla wah 2 ala čar đĭ ti hnơ̆ng mrâo hlăm wưng kơ anăp, đru mguôp kơ klei êđăp ênang, hơĭt kjăp, mđĭ kyar ti 2 alŭ wăl leh anăn tar rŏng lăn.

Dua tĭng bi ƀuh klei mjĕ giăm 2 ala čar ƀrư̆ hruê ƀrư̆ đĭ kyar jăk, tŭ dưn, klă klơ̆ng, boh nik hlăm bruă kđĭ čar, bruă hŏng tač êngao, bruă duh mkra mnia mblei, bruă lĭng kahan, bruă lŏ hma, klei kreh knhâo mrâo mrang, dhar kreh, mtô mjuăt bi hriăm. Dua tĭng tŭ ư lŏ dơ̆ng mđĭ hĭn dŭm gưl nao čuă, bi tuôm gưl dlông leh anăn dŭm gưl hlăm djăp mbah hla pŏk Đảng, knŭk kna, bruă Kƀĭn ala, bi mguôp mkŏ mjing dŭm mta bruă bi hdơr 25 thŭn klei mjĕ giăm ti thŭn 2024.