Hlăm klei blŭ hrăm, Khua mil čhil Vladimir Putin tŭ drông leh anăn lač jăk kơ Khua knŭk kna Phạm Minh Chính mbĭt hŏng êpul gưl dlông mơ̆ng Việt Nam nao hlăm klei kƀĭn trông.

Dua tĭng bi êdah klei hơ̆k mơak kyua ƀuh klei mjĕ giăm dua tĭng hlăm wưng êgao amâo mâo mdei dưi đĭ kyar bi kjăp kluôm leh anăn êlam, dŭm gưl nao čuă, klei bi tuom dŭm gưl, boh nik jing gưl dlông mkŏ mjing jăk mơak, hnơ̆ng klei mnia mblei dua tĭng đĭ kyar ktang. Dua čô khua gĭt gai lač boh tŭ dưn anei ka djăp ênŭm hŏng klei čiăng, čiăng bi mguôp lu hĭn mâo boh tŭ dưn hĭn, boh nik hlăm bruă duh mkra, mnia mblei, duh bi liê, bruă hiu čhưn ênguê. Khua knŭk kna Phạm Minh Chính leh anăn Khua mil čhil Vladimir Putin ăt bi trông kơ dŭm hdră tă leh anăn hdră êlan klă klơ̆ng mđĭ hĭn klei bi mguôp hlăm bruă kreh knhâo – mrâo mrang, mtô mjuăt bi hriăm, êlan klông leh anăn dŭ mdiăng.