Hlăm mmông blŭ hră, Khua knŭk kna srăng mđing hmư̆ dŭm klei hưn mdah, klei kčĕ, klei hmăng hmưi mơ̆ng phung êdam êra kluôm ala, mơ̆ng anăn mâo klei gĭt gai mgaih msir, ruah mgaih dŭm klei dleh dlan, kpăk gun djŏ tuôm hŏng klei dưi leh anăn boh tŭ dưn mơ̆ng phung êdam êra hlăm bruă mkŏ mjing, hluê ngă dŭm hdră êlan, klei bhiăn ala čar hŏng phung êdam êra wưng ară anei.

Mbĭt anăn kah mbha kơ phung êdam êra dŭm hdră êlan mơ̆ng Đảng, klei bhiăn ala čar kñăm hluê ngă bruă mđĭ kyar phung êdam êra. Boh nik jing hdră êlan mơ̆ng knŭk kna hlăm bruă mkŏ mjing leh anăn mđĭ kyar ai dưi mda asei mâo hnơ̆ng tŭ jăk, bruă klam mơ̆ng phung êdam êra hlăm bruă hluê hriăm, mă bruă knuă, nao hgŭm mđĭ kyar bruă duh mkra – ala ƀuôn, bi djăp ênŭm klei găl leh anăn klei lông dlăng hlăm ênuk 4.0.