Hluê hdră čuăl mkă, êlan treng Lào Cai - Hà Nội - Hải Phòng mâo boh taih dlông 417 km, găn 9 alŭ wăl (Lào Cai, Yên Bái, Phú Thọ, Vĩnh Phúc, Hà Nội, Bắc Ninh, Hưng Yên, Hải Dương lehanăn Hải Phòng); mkŏ hŏng kdrŭn ksĭ Hải Phòng, hŏng êlan dŭ mdiăng lu ala čar hŏng ala čar China, mkăp djŏ hŏng klei čiăng dŭ mdiăng hŏng hnơ̆ng pral, tŭ jăk, êđăp ênang lehanăn jăk găl.

Leh hmư̆ klei hưn, Khua knŭk kna brei Phŭn bruă Êlan klông dŭ mdiăng lehanăn dŭm phŭn, dhar bruă djŏ tuôm mđĭ hĭn bruă mprăp ngă hdră anei, hlăm mlan 1/2025 brei ba mdah kơ Knŭk kna čiăng kơ mlan 2/2025 ba mdah kơ Anôk bruă kƀĭn ala hdră mtrŭn duh bi liê lehanăn dŭm klei bhiăn, hdră mtrŭn mkăn, hnui êdi hlăm mlan 12/2025 srăng ngă hdră êlan treng anei. Khua knŭk kna mtă brei lŏ dơ̆ng ksiêm dlăng, tĭng bi mklă ktuê êlan, kdrŭn mjưh, amâo hluê msĕ hdră hđăp ƀiădah brei mâo klei mlih mrâo, mkra mlih bi djŏ guôp./.