Khua knŭk kna Phạm Minh Chính drông čhưn êpul Khua bruă kđi čar krĭng kplang Francisco, bang California, Mi
Thứ tư, 08:58, 20/09/2023
VOV Tây Nguyên
VOV Tây Nguyên
VOV4.Êđê- Ti San Francisco, Khua knŭk kna Phạm Minh Chính drông čhưn phung khua bruă kđi čar dŭm ƀuôn prŏng krĭng Kplang San Francisco, bang California mơ̆ng Sheng Thao, khua kiă kriê ƀuôn prŏng Oakland ba anăp ƀri wưng Khua knŭk kna nao kơ ala čar Mi nao hgŭm hlăm klei kƀuĭn trông gưl dlông Êpul gơ̆ng prŏng Êpul hgŭm lu ala čar gưl tal 78.
Hlăm mmông tŭ drông, Khua knŭk kna Phạm Minh Chính bi êdah klei hơ̆k mơak ti anăp dŭm klei đĭ kyar klă klơ̆ng hlăm klei bi mguôp plah wah Việt Nam hŏng Mi leh anăn hŏng dŭm alŭ wăl krĭng kplang San Francisco. Khua knŭk kna mñă ktang, Việt Nam tŭ drông leh anăn mâo nanao klei khăp kơ phung kbưi hŏng lăn čar lŏ wĭt kơ ƀuôn sang.
Anei jing knhuah gru mơ̆ng djuê ana hlăm dhar kreh Việt Nam. Khua knŭk kna mñă klă bruă mđĭ hĭn klei bi mguôp, kah mbha boh tŭ dưn, hrăm mbĭt mkŏ mjing leh anăn mđĭ kyar lăn čar jing hdră êlan tŭ dưn, klă klơ̆ng čiăng hluê ngă klei mjĕ giăm ƀĭng hgŭm hdră êlan kluôm dhuôm Việt Nam – Mi leh anăn đru kơ 2 lăn čar mgaih msir boh jhat mơ̆ng klei bi blah.
Viết bình luận