Hlăm mmông tŭ drông, Khua knŭk kna Phạm Minh Chính bi êdah klei hơ̆k mơak êjai klei mjĕ giăm dua lăn čar mâo lu klei đĭ kyar jăk. Begium dôk nanao hlăm êpul ƀĭng hgŭm mnia mblei mrô 1 mơ̆ng Việt Nam hlăm EU leh anăn Việt Nam jing ƀĭng hgŭm mnia mblei mrô 1 mơ̆ng Belgium hlăm ASEAN, klei bi mguôp plah wah Bruă kƀĭn ala Việt Nam leh anăn Bruă kƀĭn ala Belgium mâo knhuang đĭ kyar mrâo.

Hlăm wưng kơ anăp, Khua knŭk kna mñă kơ dua tĭng lŏ dơ̆ng mđĭ hĭn klei bi trông êpul dŭm gưl, boh nik jing gưl dlông, mtrŭt mđĭ klei bi mguôp bruă duh mkra, mnia mblei, duh bi liê, gĭr ba klei mnia mblei dua tĭng hnưm mâo 7 êklai dolar Mi hlăm dŭm thŭn kơ anăp. Khua bruă kƀĭn ala Belgium mñă klă, bruă kƀĭn ala Belgium srăng gĭr mtrŭt mđĭ klei mjĕ giăm Việt Nam – Belgium đĭ kyar kluôm êlam hĭn hŏng lu bruă ngă, hdră bruă, hdră mkăp klă klơ̆ng, hlăm anăn mâo dŭm mta bruă knŭk kna bơ̆k bâo leh, boh nik hlăm bruă mlih mrâo hŏng klei mbruă, mđĭ kyar klei mnia mblei, klei mkăp brei leh anăn đru kơ phung djŏ êa drao ruă diosin ti Việt Nam.