Ti anôk drông, Khua knŭk kna đăo knang lehanăn čang hmăng, hŏng klei bi mguôp jăk siam mâo leh plah wah dua ala čar, boh tŭ dưn klei bi hgŭm mjing leh klei bi đăo knang, sa ai. Snăn Samsung srăng lŏ dơ̆ng jing pô ba akŏ mtrŭt klei bi hgŭm bruăduh mkra dua ala čar, hŏng lu mta bruă mrâo dưi bi hgŭm, lŏ mđĭ hĭn klei duh mkra mnia mblei, pŏk mlar klei duh bi liê tui tiŏ mta kñăm prŏng hĭn hlăm thŭn   2023 lehanăn hlăm dŭm thŭn tinăp.

Khua knŭk kna Việt Nam ƀuăn srăng lŏ dơ̆ng mđrăm mbĭt, kăp mđing hmư̆, mâo klei bi trông, pral ruh mgaih jih klei dleh dlan, gun kpăk mâo hdră mă bruă djŏ hĭn, mjing klei găl kơ phung duh mkra mơ̆ng ala tač êngao mă bruă, hlăm anăn mâo Samsung duh mkra mnia mblei tŭjing, lehanăn mâo klei đĭ kyar kjăp ti Việt Nam hŏng klei mĭn “Ba klei tŭ dưn jăk, đru bi klam klei ktrŏ”./.