Ti anôk drông hŏng phung khua bi ala knŭk kna Malaysia, khua knŭk kna Phạm Minh Chính hơ̆k mơak drông Dato’ Tan Yang Thai hriê păn bruă ti Việt Nam lehanăn čang hmăng wưng păn bruă pô Khua bi ala mđĭ hĭn klei bi mguôp lŏđĭ kyar hĭn dua nah. Ti anôk drông khua bi ala knŭk kna Campuchia ti Việt Nam, Khua knŭk kna Phạm Minh Chính hơêč hmưi kơ Chea Kimtha jing leh khua bi ala mniê tal êlâo kơ knŭk kna Campuchia ti Việt Nam; hơêč hmưi kơ boh tŭ dưn Campuchia mâo leh hlăm wưng êgao.

Khua knŭk kna čang hmăng Campuchia srăng mkŏ mjing tŭjing klei ruah khua bruă kƀĭn ala gưl VII lehanăn mkŏ mjing klei bi lông mjuăt asei mlei Ngŏ Dhŭng Asi tal 32. Khua knŭk kna, čang hmăng dua nah lŏ mghaih msir bi jăk klei adôk ka thâo bi djŏ kơ 16% knông lăn ti hang hlăm bruă mbha kdriêl pơ̆ng gơ̆ng knông lăn, lehanăn đru mkăp brei hră mơar djŏ klei bhiăn kơ mnuih Việt Nam dôk hdĭp ti Campuchia.