Khua knŭk kna Phạm Minh Chính hơ̆k mơak mâo khua kiă kriê bang Hạ Saxony gưl tal êlâo hriê čhưn ti Việt Nam mbĭt hŏng lu êpul phung duh mkra hriê hlăm klei čiăng bi hgŭm kluôm dhuôm Việt Nam – Alemang mâo klei đĭ kyar jăk.

Khua knŭk kna Phạm Minh Chính čang hmăng kơ klei bi hgŭm dua nah kjăp hĭn dơ̆ng mơ̆ng bruă kđĭ čar, bruă hŏng tač êngao, bruă duh mkra mnia mblei, bruă mdrơ̆ng hŏng klei bi mlih yan adiê, bruă mjuăt bi hriăm mnuih ngă bruă, bruă hiu čhưn ênguê, klei bi mguôp mnuih ƀuôn sang, lehanăn đru kơ klei êđăp ênang hgŭm mbĭt mđĭ kyar hlăm alŭ wăl lehanăn tar rŏng lăn. Hŏng klei ngă bruă klă mngač khua knŭk kna drei čang hmăng kơ bang Hạ Saxony mtrŭt phung duh mkra pô duh bi liê lu ti Việt Nam hlăm dŭm mta bruă dua nah mâo klei găl, msĕ si kdrăp mrâo, bi mlih mrô, bi mlih mtah, mdrơ̆ng hŏng klei bi mlih yan adiê./.