Ti anôk drông čhưn anăn, Khua knŭk kna Phạm Minh Chính lač, Việt Nam dlăng yuôm klei bi hgŭm hŏng Mi, ksiêm wĭt jih jang klei mđĭ kyar bruă bi hgŭm leh hŏng Mi hlăm dŭm bruă duh mkra mnia mblei klei duh bi liê mơ̆ng dua ala čar.

Khua knŭk kna mñă, Việt Nam yap bruă dlăng kriê klei suaih pral kơ mnuih ƀuôn sang jing bruă tal êlâo lehanăn yuôm bhăn; čang hmăng mâo êpul grŭp Abbott mâo klei duh bi liê lu hĭn bi hgŭm hlăm djăp mta bruă hŏng Việt Nam,boh nik ya mta bruă dôk kƀah êdi msĕ si bruă mđĭ ai ktang asei mlei, awan dhuan mnuih Việt Nam, hlăm anăn mđing kơ mnơ̆ng ƀơ̆ng tŭ jăk, kơ kdrăp mă bruă doh... Khua kiă kriê êpul grŭp Abbott hơêč hmưi kơ Việt Nam ba akŏ leh hlăm bruă kơ mnơ̆ng ƀơ̆ng tŭ jăk, thâo mă klei hriăm mơ̆ng lu ala čar mkăn. Abbott ƀuăn duh bi liê mă bruă kjăp hŏng Việt Nam lehanăn srăng bi hgŭm hŏng djăp mta bruă tui si khua knŭk kna mâo leh klei blŭ./.