Mñă klă klei bi mjĕ jăk siam Việt Nam – Lao mâo boh tŭ yuôm hlăm hdră mkŏ mkra lehanăn răng mgang Ala čar ti grăp ala čar, Khua knŭk kna brei thâo, Việt Nam hdơr nanao kơ klei đru mơ̆ng Lao hlăm hdră răng mgang lehanăn mđĭ kyar lăn čar, srăng hrăm mbĭt hŏng Lao hgao jih klei dleh dlan, lông dlăng ti anăp lehanăn lŏ dơ̆ng mđĭ kyar hơĭt kjăp; sa ai, mjing klei găl čiăng kơ hdră bi hgŭm bruă lĭng kahan dua ala čar ƀrư̆ hruê ƀrư̆ đĭ kyar.

Khua knŭk kna Phạm Minh Chính mtă kơ lĭng kahan dua ala čar mđĭ hdră bi hgŭm, đru kčĕ tŭ dưn hŏng phung khua gưl dlông dua ala čar kơ hdră lĭng kahan, răng mgang klei êđăp ênang, pŏk ngă kjăp boh tŭ mơ̆ng Klei bi tuôm plah wah phung khua kiă kriê Đảng tlâo ala čar lehanăn 3 Khua knŭk kna Campuchia-Lào-Việt Nam ti ƀuôn prŏng Hồ Chí Minh mlan 2 leh êgao, bi kjăp klei hgŭm mguôp jăk siam 3 ala čar; pŏk ngă kjăp klei bhiăn hgŭm bruă dôk mâo./.