Tui si klei hưn hŏng khua knơ̆ng kiă kriê lĭng kahan Campuchia hưn kơ hdră êlan 4 hơăi mơ̆ng Việt Nam mâo nanao klei mpŭ, lehanăn bi kjăp klei thâo bi mguôp hŏng ala čar riêng gah, mđĭ hĭn knhuah gru jăk siam mâo leh mơ̆ng đưm, bi hgŭm kluôm dhuôm, hlăm klei kjăp hŏng Campuchia; sa ai hŏng hdră êlan Campuchia hnŭk êngiê, êđăp ênang čŏng pô mđĭ kyar mdrŏng sah, mâo bruă klam prŏng hŏng tač êngao. Pô djă akŏ Việt Nam čang hmăng lĭng kahan dua ala čar ba êlan êlâo nanao hlăm bruă răng mgang klei êđăp ênang, lehanăn mđĭ k’hưm pô hŏng ala tač êngao, hlăm anăn mâo nanao klei bi ksul mbŭ klei thâo bi mguôp jăk Việt Nam – Campuchia.

Mjuăt bi hriăm mnuih ngă bruă, kăp bi hưn djăp mta boh klei, kčĕ đru kơ klei thâo bi mguôp lĭng kahan lehanăn mnuih ƀuôn sang dua ala čar, mghaih msir hĕ bih jih dŭm klei amâo mâo thâo bi djŏ hlăm ƀuôn sang. Gang mkhư̆ klei bi kah plah wah Việt Nam – Campuchia - Lào.