Khua knŭk kna bi mklă, Việt Nam dlăng myuôm nanao klei bi hgŭm Việt Nam–Israel. Lač kơ bruă duh mkra mâo lu klei găl bi đru, Khua knŭk kna mtă kơ dua tĭng hnưm pŏk ngă tŭ dưn Klei kuôl kă mnia blei êngiê Việt Nam–Israel leh anăn ksiêm hriăm bi trông, bi siñê klei kuôl kă bi hgŭm hlăm bruă tuh tia mkra mjing plah wah dua ala čar; mjing klei găl kơ dŭm bruă bi trông êpul duh mkra, bi hgŭm mkŏ mjing dŭm bruă mtrŭt mjhar mnia blei, mkŏ mnia blei; Israel mđĭ blei dŭm mta mnơ̆ng dhơ̆ng mâo klei găl mơ̆ng Việt Nam msĕ si kahan hdang, boh kroh djam tam, mnơ̆ng ƀơ̆ng mkra mjing leh anăn mnơ̆ng yua.

Khua knŭk kna mtă kơ dua tĭng mđĭ ktang klei bi hgŭm kơ bruă mlih mrâo, bruă tuh tia mkra mjing yua kdrăp mrâo, bi hgŭm kơ êa ksĭ, mdrơ̆ng hŏng klei bi mlih yan adiê, hlăm anăn mâo bi hgŭm mdrơ̆ng hŏng klei adiê không ti dŭm čar kwar Krah, mtô mnuih mă bruă.