Khua knŭk  kna hơêč hmưi Malaysia ngă Khua gĭt gai ASEAN thŭn 2025; bi mklă Việt Nam srăng đru mguôp jăk kñăm rơ̆ng tŭ jing thŭn ASEAN 2025. Khua phŭn bruă duh mkra Malaysia bi êdah klei bi mni kơ hnơ̆ng đĭ kyar bruă duh mkra Việt Nam hlăm 10 thŭn êgao.

Ñu lač anei jing wưng djŏ guôp kơ Malyasia leh anăn Việt Nam mđĭ klei bi hgŭm, boh nik hlăm bruă mrâo msĕ si bi mlih êa pui êwa čuh; mkra mjing mnơ̆ng điêjn tử;  hgŭm hlăm hdră mkra mjing leh anăn mkăp. Khua knŭk kna Phạm Minh Chính leh anăn Khua phŭn bruă duh mkra Malaysia ăt bi trông kơ bruă krĭng wăl leh anăn dlông rŏng lăn mđing, hlăm anăn mâo bruă Êa ksĭ Ngŏ; tŭ ư mđĭ bi hgŭm, bi hdơ̆ng nao ai hlăm klei bi kƀĭn lu tĭng.