Khua knŭk kna mñă klă, hlăm wưng tar rŏng lăn dleh ksiêm dlăng msĕ ară anei, Việt Nam hrăm mbĭt nanao hŏng Cuba, kah mbha klei hriăm leh anăn đru kơ Cuba găn klei dleh dlan, bi lar ai ktang pô čiăng hrăm mbĭt đĭ kyar. Khua knŭk kna mñă kơ dua tĭng mđĭ hĭn klei bi trông êpul dŭm gưl, bi mguôp kjăp hluê ngă klei kuôl kă gưl dlông mâo hlăm gưl nao čuă Cuab mơ̆ng Khua gĭt gai Đảng Tô Lâm hlăk mlan 9/2024.

Khua phŭn bruă hŏng tač êngao Cuba bi êdah klei lač jăk mơ̆ng Đảng, knŭk kna leh anăn mnuih ƀuôn sang Cuba kyua klei bi hgŭm leh anăn klei đru mơ̆ng Việt Nam hlăm wưng giăm anei, boh nik hlăm bruă lŏ hma leh anăn mnơ̆ng ƀơ̆ng huă. Dua tĭng bi tŭ ư bi mguôp kjăp, hluê ngă tŭ dưn dŭm hdră êlan ba bruă duh mkra, mnia mblei, duh bi liê leh anăn lu bruă bi mguôp mkăn đĭ kyar năng hŏng klei mjĕ giăm, đru kơ klei đĭ kyar dua lăn čar.