Khua knŭk kna bi mklă Việt Nam hrăm mbĭt, jih ai tiê đru kơ Lao hlue si klei dưi čiăng hrăm mbĭt hgao klei dleh dlan, lŏ dơ̆ng đĭ kyar. Hlăm bruă mdrao mgŭn, êdah êdi jing dŭm bruă bi hgŭm hlăm klei ksiêm mkă mdrao klei ruă, mtô phung mă bruă mdrao mgŭn, ksiêm dlăng klei ruă tưp leh anăn đru kriê dlăng bruă mdrao mgŭn, hlăm wưntg klei ruă Covid-19, dŭm bruă đru vaccin, kdrăp mdrao mgŭn, kah mbha klei thâo leh anăn ba nao phung thơ̆ng kơ bruă đru kơ dua ala čar ktuê dlăng leh anăn hgao klei ruă tưp.

Khua knŭk kna mtă kơ dua Khua phŭn bruă mdrao mgŭn bi hgŭm mkŏ mjing hdră kčah klă klơ̆ng, pŏk ngă tŭ dưn dŭm klei kuôl kă gưl dlông mơ̆ng dua ala čar, lŏ dơ̆ng bi trông klei thâo, boh nik mđĭ ktang mlih mrô, ksiêm mkă mơ̆ng kbưi… đru mjing klei găl hlăm bruă ksiêm mkă mdrao kơ mnuih ƀuôn sang Lao ti dŭm sang êa drao mơ̆ng Việt Nam, mđĭ ktang bruă mtô bi hriăm mnuih mă bruă hlăm bruă mdrao mgŭn, pŏk mlar thiăm dŭm klei mtô bo hriăm djŏ guôp hŏng klei čiăng ară anei mơ̆ng Lao./.