Ti anôk čhưn anăn, Khua knŭk kna Phạm Minh Chính čang hmăng kơ khua phŭn bruă Tiêu Chí Hiền lŏ dơ̆ng sa ai lehanăn mtrŭt mđĭ hĭn klei bi mguôp kluôm dhuôm Việt Nam Singapore hlăm djăp mta bruă, êngao kơ dŭm bruă yuôm bhăn, jing lŏ mđĭ hĭn klei bi đăo knang, mâo klei bi mjĕ êrô jêñ jêñ gưl dlông, lehanăn khua êmua djăp gưl.

Trông čhai kơ boh klei hlăm alŭ wăl, lehanăn tar rŏng lăn hlăk mđing, dua nah bi tŭ ư hŏng klei dleh dlan dôk găn ară anei, dua ala čar năng bi krơ̆ng klei êđăp ênang, djŏ hŏng klei bhiăn tar rŏng lăn, mâo nanao klei bi mguôp, bi sa ai, rŭ mdơ̆ng sa ASEAN čŏng mđĭ kyar, mdrŏng sah, jing anôk phŭn kơ djăp mta bruă hlăm alŭ wăl./.