Tlam mmăt mbrue 06/4, ti Anôk bruă knŭk kna, Khua knŭk kna Phạm Minh Chính drông leh k’iăng khua knŭk kna Russia Dmitry Chernyshenko hlăk dôk čhưn lehanăn mă bruă ti Việt Nam lehanăn hrăm mbĭt bi kiă kriê klei bi kƀĭn tal 24 mơ̆ng Dhar bruă hgŭm knŭk kna Việt Nam-Russia kơ klei hgŭm duh mkra mnia mblei lehanăn bruă kreh knhâo mơ̆ng hrue 05 - 07/4/2023.

Ti anôk bi tuôm, Khua knŭk kna Phạm Minh Chính lač knŭk kna Việt Nam mâo nanao klei mpŭ kơ knhuah gru klei bi mguôp mâo leh mơ̆ng đưm, lehanăn klei hgŭm mbĭt jăk siam kluôm dhuôm plah wah Việt Nam-Russia. Dua nah bi myuôm êdi dŭm klei tŭ dưn bruă hgŭm wưng êgao, lŏ hyuă kjăp hĭn klei bi mguôp hlăm bruă kđi čar, bi mklă mơ̆ng klei bi kƀĭn tal 24 anei Dhar bruă hgŭm knŭk kna dua ala čar lŏ mđĭ hĭn klei myun bi đru, mâo klei bi mguôp kjăp dua nah, mjing boh kdrŭt prŏng ngă bruă bi tŭ jing djăp mta bruă hgŭm wưng kơ anăp./.