Ti knăm anei, Khua knŭk kna Phạm Minh Chính mñă Việt Nam dlăng myuôm klei bi mjĕ jăk siam mŏng đưm lehanăn bi hgŭm hlăm lu mta bruă hŏng Belarus, mbĭt ânn bi êdah klei sa ai anăp klei đĭ kyar jăk siam hlăm klei bi mjĕ Việt Nam - Belarus hlăm wưng êgao, boh nik hlăm hdră kđi čar – bruă hŏng tač êngao.

Kñăm ba yua tŭ dưn dŭm klei găl mâo mơ̆ng dua ala čar, Khua knŭk kna Phạm Minh Chính mtă kơ dua tĭng lŏ dơ̆ng mđĭ hĭn hdră bi trông hluê êpul, boh nik gưl dlông, bi hgŭm ti dŭm anôk bi kƀĭn trông lu tĭng, mtă kơ dua tĭng lŏ gĭr mtrŭt mđĭ hdră duh mkra – mnia mblei dua nah, ară anei ka năng hŏng klei găl mâo, mjing klei găl čiăng kơ anôk bruă duh mkra dua tĭng mđĭ hdră bi hgŭm bruă duh bi liê, krơ̆ng boh tŭ klei bhiăn Dhar bruă mlir knŭk kna lehanăn čih mkra hdră kčah ngă bruă klă klơ̆ng hŏng hdră mă bruă djŏ guôp lehanăn tŭ dưn hĭn./.