Khua knŭk kna Phạm Minh Chính bi mklă, Việt Nam dlăng myuôm klei bi hgŭm kluôm hŏng Mi, bi mni kơ bruă Mi mđĭ klei bi hgŭm hŏng Việt Nam, mpŭ klei bhiăn kđi čar leh anăn nao ai hŏng Việt Nam “ktang, êngiê, čŏng ngă leh anăn mdrŏng sah”.

Hlăm wưng kơ anăp, Khua knŭk kna mtă kơ dua tĭng lŏ dơ̆ng mđĭ dŭm gưl nao čhưn gưl dlông leh anăn dŭm gưl, bi trông êpul bruă kƀĭn ala dua tĭng, mơĭt asăp iêô êpul bruă kƀĭn ala mda asei Mi nao hlăm klei bi kƀĭn phung ngă bruă kƀĭn ala mda asei kluôm rŏng lăn tal 9 kyua Bruă kƀĭn ala Việt Nam mkŏ mjing. Khua knŭk kna mtă, dua ala čar mđĭ klei bi hgŭm hlăm bruă duh mkra, mnia blei, bi lie, kreh knhâo, sang hră mtô bi hriăm, mlih mrâo mbruă, mkra mjing chip bán dẫn, mlih mrô, êa pui êwa čuh, đĭ kyar mtah, bi lu jơr hdră mdrơ̆ng hŏng klei bi mlih yan adiê./.