Hlăm klei bi tuôm, Khua knŭk kna Phạm Minh Chính bi mni kơ gưl nao čhưn klă sĭt ti Việt Nam gưl tal elâo mơ̆ng Khua phŭn bruă Manalo; bi mklă Việt Nam dlăng myuôm nanao leh anăn čang hmăng mđĭ klei bi hgŭm yuôm bhăn hŏng Philippines ƀrư̆ hruê êlam hĭn leh anăn sĭt hĭn. Čiăng lŏ dơ̆ng ba klei bi hgŭm dua ala čar đĭ kyar ktang hĭn kơ boh êlam.

Hlăm anăn, mđing mđĭ klei bi trông êpul gưl dlông leh anăn dŭm gưl, mđĭ bruă mnia blei duh mkra, mâo wăt klei bi hŭm mnia blei braih, ksiêm dlăng ruh mgaih klei gun kpăk amâo čiăng êdi leh anăn bi đru rơ̆ng klei djăp mnơ̆ng ƀơ̆ng huă, mjing wăl mnia blei leh anăn bi liê găl ênưih kơ dŭm anôk bruă mnia blei; gĭr ktưn mâo prăk mnia blei dua tĭng 10 êklai USD leha năn mđĭ klei bi hgŭm mâo klei găl msĕ si bruă duh mkra mrô, bruă duh mkra kluôm, bruă duh mkra mtah, êa pui êwa čuh mkra mjing, mdrơ̆ng hŏng klei bi mlih yan adiê, msir mgaih klei hlăm êa ksĭ, đru mđĭ kyar bruă duh mkra hlăm êa ksĭ, mlih mrâo mbruă, mphŭn čô̆ kơ bruă.