Phung khua kiă kriê anei bi êdah leh ai tiê đăo knang kơ hdră êlan bi hgŭm Việt Nam - Indonesia đĭ kyar jăk siam srăng mjing atur kjăp pioh kơ phung duh mkra dua nah mâo klei bi mguôp hĭn, yap  Việt Nam jing anôk duh bi liê jăk hlăm klei duh mkra mnia mblei.

Ti anôk bi tuôm, Khua knŭk kna Phạm Minh Chính hơêč hmưi kơ phung duh mkra ngă bruă bi tŭ jing ti Việt Nam.  Khua knŭk kna hmăng hmưi, lŏ dơ̆ng bi lar, bi hgŭm duh mkra kjăp hŏng dŭm alŭ wăl, lehanăn dŭm phŭn bruă čuăk mkă duh bi liê čiăng mâo klei đru kčĕ ngă, bi hrŏ klei dleh hlăm bruă ngă hră mơar hŏng phung duh bi liê./.