Khua knŭk kna mñă klă Việt Nam dlăng kơ Mi jing ƀĭng hgŭm yuôm bhăn, bi klă klei hưn sa ăñ mơ̆ng Khua gĭt gai Đảng Tô Lâm leh anăn khua gĭt gai gưl dlông Việt Nam dlăng yuôm bhăn leh anăn hmăng hmưi bi mguôp kjăp hŏng knŭk kna Khua mil čhil Trump čiăng mtrŭt mđĭ klei bi mguôp hdră êlan kluôm dhuôm.

Khua knŭk kna Phạm Minh Chính mña ktang čiăng lŏ dơ̆ng ba klei bi mguôp bruă duh mkra – mnia mblei – duh bi liê jing gru mngač leh anăn boh kdrŭt kơ klei mjĕ giăm dua tĭng. Knŭk kna Việt Nam mâo nanao klei uêñ mĭn, mkŏ mjing klei găl kơ dŭm knơ̆ng bruă, phung duh bi liê mơ̆ng Mi ti Việt Nam, mñă klă Việt Nam hmăng hmưi mkŏ mjing klei bi mguôp bruă duh mkra – mnia mblei – duh bi liê bi kna, hơĭt kjăp hŏng Mi, kyua boh tŭ dưn kơ dua lăn čar.