Khua knŭk kna mñă klă, hnơ̆ng trah dlăng mơ̆ng Êpul hgŭm lu ala čar ba mdah hlăm Klei bhiăn ngă bruă djŏ guôp hŏng hdră êlan mđĭ kyar mơ̆ng Việt Nam; mñă klă hŏng ala čar Việt Nam, Êpul hgŭm lu ala čar jing ƀĭng găp sĭt suôr, đăo knang; Việt Nam čih pioh nanao klei đru mguôp yuôm bhăn mơ̆ng Êpul hgŭm lu ala čar hlăm êbeh 40 thŭn êgao lehanăn dŭm klei đru mguôp hlăm hdră mă bruă mơ̆ng Êpul.

Giăm anei hĭn, Việt Nam păn ngă tŭ jing bruă klam Khua amâo klă klơ̆ng hlăm Êpul hgŭm răng mgang klei êđăp ênang lu ala čar, hŏng k’hưm K’iăng khua kiă kriê Klei bi kƀĭn prŏng Êpul hgŭm lu ala čar tal 77, mđĭ klei đru mguôp hlăm Êpul răng mgang klei êđăp ênang mơ̆ng Êpul hgŭm lu ala čar. Čiăng rơ̆ng mâo djăp mnơ̆ng ƀơ̆ng huă tar rŏng lăn, Việt Nam dưi ba čhĭ hlăm brô 7,5 ton braih hlăm thŭn 2023 mbĭt anăn đru mguôp hlăm bruă hluê ngă klei mĭn mrâo mơ̆ng Khua gĭt gai Êpul hgŭm lu ala čar kơ hdră bi mlih mrâo hlăm bruă mnơ̆ng ƀơ̆ng huă kñăm ba wĭt klei h’ĭt kjăp./.