Hlăm mmông drông, Khua knŭk kna Phạm Minh Chính bi mklă Việt Nam dlăng myuôm nanao klei bi hgŭm mơ̆ng đưm jăk siam hŏng Sweden. Khua knŭk kna bi mni kơ Êpul grup SYRE mĭn tĭng bi liê êpul lŏ mkra mjing mnal polyester ti Bình Định hŏng hnơ̆ng mkra mjing truh 250.000 ton/thŭn, hlue si hdră mkra mjing mtah, doh, ba yua jih mnơ̆ng dhơ̆ng amâo lŏ yua djŏ tuôm kơ bruă tă kčoh, đru bi mlih anôk mkra mjing hlue si ai tiê mơ̆ng dŭm Klei bi kƀĭn mơ̆ng COP26 truh 28.

Khua knŭk kna mñă klă, Việt Nam dôk kƀĭn mđĭ kyar bruă duh mkra kluôm, bi mlih mtah, bi mklă anei jing sa hlăm dŭm boh kdrŭt mrâo kơ klei đĭ kyar pral leh anăn hơĭt kjăp, mâo hnơ̆ng đĭ kyar GDP mơ̆ng 8% hlăm thŭn 2025 leh anăn dua ênoh mrô hlăm dŭm thŭn kơ anăp.