Aguah hruê 5/4, ti Viêng Chăn, Lào, Klei bi kƀĭn gưl dlông tal 4 Êpul hgŭm krông Mê Kông dưi mkŏ mjing hŏng akŏ “Mlih mrâo leh anăn bi hgŭm kñăm rơ̆ng djăp êa leh anăn klei đĭ kyar kjăp mơ̆ng krĭng Krông Mê Kông. Nao hlăm klei bi kƀĭn mâo  Khua knŭk kna Việt Nam, Lào, Campuchia,  Khua gĭt gai adŭ bruă ngăn dŏ êa Thái Lan hŏng phung khua dŭm êpul bi blŭ hrăm, Êpul mđĭ kyar, êpul bruă lu ala čar, krĭng wăl leh anăn êpul êya.

Khua knŭk kna ala čar drei bi êdah klei rŭng răng kyua krĭng êa krông mâo lu klei lông dlăng ka tuôm mâo kyua klei hmăi mơ̆ng klei bi mlih yan adiê, klei kpĭ mơ̆ng klei mđĭ kyar bruă duh mkra, ñu mñă brei mâo klei mlih bi hgŭm leh anăn êdah êdi kơh dưi ngă bruă mjêč ară anei, mbĭt anăn mâo klei kčĕ kơ hdră tă bi hgŭm mơ̆ng Êpul hgŭm hlăm wưng kơ anăp. Mbĭt anăn Khua knŭk kna mtă, mđĭ kyar bruă duh mkra mtah, mđĭ kyar klei găl mkra mjing, hơĭt kjăp./.